Kombëtarja e Kosovës ka arritur të shënoj fitore me rezultat 3-0 të dielën mbrëma ndaj Andorrës në kuadër të një ndeshje miqësore e planifikuar për muajin qershor.
Fisnik Asllani, Albion Rrahmani dhe debutuesi Valmir Matoshi, ishin tre realizatorët e golave për “Dardanët”, shkruan Arbresh.info.
Gjatë ditës së sotme, Federata e Futbollit të Kosovës, ka publikuar një video me momente më të mira nga ajo ndeshje.
FFK këtë fitore ia dedikon futbollistit të ndjerë Fatjon Bunjaku, i cili vdiq pas një aksidenti tragjik me makinë që pësoi.
“Një mbrëmje emocionesh të përziera, ku Dardanët arritën një fitore bindëse, por me zemra të rënduara nga humbja e ish-futbollistit të Kosovës U21, Fatjon Bunjaku, i cili ndërroi jetë tragjikisht në ditën e ndeshjes.”
“Fitorja, me golat e shënuar nga Fisnik Asllani, Albion Rrahmani dhe Valmir Matoshi, iu dedikua Fatjonit, në shenjë respekti dhe kujtimi për kontributin e tij.”
“Pushofsh në paqe, Fatjon”, thuhet në postimin e FFK-së.
Kosova shtatë ditët e fundit zhvilloi edhe një miqësore ndaj Çekisë të cilën e humbi 2-1.
“Dardanët” rikthehen në fushë në muajin shtator ku do të nisin kampanjën e Ligës së Kombeve.
Kosova ndodhet në grup me Irlandën, Austrinë dhe Izraelin. Ndeshja e parë është ndaj irlandezëve në Prishtinë me 24 shtator./Arbresh.info
Trump thotë se Izraeli nuk do të kthehet në luftë me Iranin
Milan mund të jetë destinacioni i ardhshëm i Alabas
Vazhdon numërimi i votave, këta janë pesë kandidatët më të v...
Rama reagon pas deklaratave të Iranit: Nuk do të frikësohemi...
Tragjedi në Los Angelos – babai vret binjakët e tij 10-vjeça...
Bashkimi nuk ndalet, transferon edhe Arian Azemin
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
